.,


الشاعر .. عبد الله الظفيري


علـأمك جيت يا قلبي وراجع خاطرَك مكسور..؟..؟

................ أبد لـأينكسر خاطرك دامه صاحبي جاير


أبي تنسى مبادئنا وتترك طبعنا المغرور

............. وأبي هالحين ترجع له.. وقلّه يطلب ويامر


وإذا جت عينك بعينه أبي تشهد شهادة زور

...... بأني مذنب ومخطي.. وقلبه ناسي وغافر


وقلّه لـأيخليني على حزني أبات شهور

............. لأن الموت أشوالي وأنا من طبعي ماكابر


ولـأيفكّر يقول: (انسى وغيري بالبشر مذكور)

......... لأني ماخبر غيره / قسم بالله مو خابر


أحس اللي خلق زينه خلق باقي البشر ديكور

............ ...... وأحس الورد لـأشمه يميل وينثني شاكر


وربي هالبشر بعده هياكل والبيوت قبور

............... ولـأبه شي بالدنيا يجاري غيابه الكافر


حبيبي يابعد كل الحبايب والزمان يدور

.................... علـأمك ماتخاف الله تعال وشوفني..ناظر


ترى قدرك بعيني صعب أحصِرْه بغلـأ وشعور

..................... أبي باصبعك تشّر لي وأجيلك وقتها طاير


ألـأ ياصاحبي القاسي بدونك هالحياة تغووور

.......................... ألـأ ياسبّة جروحي..ألـأ ياحظي العاثر


أحبك.. يامنى عمري وغيرك يمسك الطابور

........................ أحبك يامولّعني وأذوب بصوتك الخاثر


أنا من كثر مااحبك أحس إني معك مسحور


.................... فديتك خلني مسحور إذا تبقى لي الساحر


تعال وخذني بكيفك..قصيد..ولو تبي جمهور

................... فداك اللي قصدته أمس واللي بَقصِده باكر


لك الله وانت خابرني شجاع ولـأ علي قصور

............ ولكن لو وصل أمري بيدّك... آآه ياساتر!!


دخيلك انتبه! لـأ..لـأ.. تمادى مع رجل مقهور

.............. ترى قهر الرجال أكبر من اللي تحسب وفاكر


أنا حبي معك والله عفيف وطاهر ومستور

................. حشا صعبه تلـأقي قلب شروى قلبي الطاهر


إذا ناوي تجربني ترى وقتك معي مهدور

..................... أموت بنار طغيانك.. ولـأينقال لي صابر!


أمانه روح ياقلبي وأبي تضبط عليه الدور

.................. أمانه طير له تكفى وأبي هالحين ياشاطر


أبيك تحب لي راسه وتنسى طبعنا المغرور

ترانا اثنيننا والله بدونه نكسر الخاطر

للتحميـل هِنآ